Info
_Rumantsch – quai è litteratura, teater, musica. Forsa era art?
_Han la cuntrada muntagnarda e las tradiziuns culturalas in’impurtanza en la lavur artistica?
_Ha la lingua in’influenza sin artistas ed artists rumantschs?
_Ed avain nus insumma ina lingua rumantscha che basta per s’exprimer davart noss art?
​
En barats, en referats d‘input ed en process artistics vegn empruvà da chattar in vocabulari artistic e forsa schizunt intginas respostas sin la dumonda vasta: Exista in art rumantsch insumma?
Public: Artistas ed artists rumantschs, intermediaturAs d‘art e cultura, persunas interessadas a la lingua ed a la cultura
Viadi: Il viadi è chaussa da mintginA
Dimora: Per participantAs vegn reservà ina simpla pussaivladad da star sur notg
Custs: Gratuit per participantAs
Organisaziun: RAR – Uniun Rait Art Rumantsch
Il dumber da participantAs è limità. T‘annunzia directamain sur la pagina-web fin ils 16 d’avust 2024.
Finamiras
L'occurrenza ARTicular prosperescha e viva d'inscunters – tranter umans da differentas vegliadetgnas e differentas avdanzas, tranter differentas tradiziuns e valladas sco er tranter differentas disciplinas ed ideas. L'element colliant è la lingua rumantscha.
-
Creaziun d'ina rait/barat: L'uniun RAIT ART RUMANTSCH e ses project ARTicular che vegn realisà per l'emprima giada han en mira da colliar artistas ed artists rumantschs (LR e diaspora) en moda artistica e socioculturala e d'eruir l'essenza da l'art en la lingua rumantscha.
-
Lavur cumina/creaziun rumantscha: Las artistas ed ils artists che sa participeschan vegnan a lavurar en gruppas pitschnas.
-
Discussiun d'ovras: Mintg'artista e mintga artist porta in'atgna ovra ad Alvaschagn. Là vegn ella guardada e discutada en la gruppa. Las gruppas vegnan manadas d’ina moderaziun.
-
Integraziun da la diaspora rumantscha: ARTicular porta artistas ed artists e persunas che s’occupan d’art da la diaspora rumantscha en la regiun da tschep per lavurar al lieu e per sa colliar.
-
Promover la lingua rumantscha: L'ARTicular gida a sviluppar ed a consolidar in vocabulari rumantsch che pussibilitescha da manar discussiuns profundas davart ovras artisticas.
-
Artistas ed artists dal Grischun e da la diaspora collavuran: Igl è planisà da promover partenadis creativs tranter artistas ed artists, spezialmain cun furmar tandems. Quests tandems sa cumponan en il cas ideal da mintgamai d'ina artista u d'in artist dal Grischun e da la diaspora. En il cas ideal resultassan da quests partenadis creativs 2 fin 3 exposiziuns en Svizra durant l'onn 2025.
Protocol grafic
Cun dissegns professiunals vegnan registradas visualmain discussiuns, resultats, cunvegnas ed er opiniuns. La documentaziun visuala nascha direct al lieu vid ina gronda paraid. Kate Maļarenko ed Uolf Candrian surpiglian questa incumbensa.
​
​
​
Lottarias
Durant tut ils trais dis vegnan vendidas lottarias. Ils cumpraders han uschè la pussaivladad da tscherner in'ovra exponida e da la prender directamain a chasa. L'uniun Rait Art Rumantsch supplitgescha perquai las artistas ed ils artists participants da metter a disposiziun ina pitschna ovra per la vendita.
Program
Venderdi, 27/09/2024
a partir da las 09:30
10:15
12:00
11:10
Participantas e participants arrivan ACACA
Café e paunets
​
​
​
​
Bainvegni
Mirko Baselgia ed Yvonne Gienal
Chasper Pult:
Input - Lingua ed art
​
​
​
Moderaziun Alexa Giger, Sibilla Caflisch, Marco Coray e
Damian Jurt:
Discurs davart atgnas ovras en gruppas pitschnas I
​
​
​
Gentar, silsuenter retrair stanzas Don Bosco Lantsch
14:30
President communal Albula/Alvra Daniel Albertin
14:40
Moderaziun Alexa Giger, Sibilla Caflisch, Marco Coray e
Damian Jurt:
Discurs davart atgnas ovras en gruppas pitschnas II
16:00
avert per tut las visitadras e per tut ils visitaders
Apero / Bar
16:30
Damian Jurt, curatur,
Museum d‘art chantunal
Referat en lingua tudestga:
Sco lingua inventa il mund
17:30
Silvana Derungs, Marietta Cathomas ed Angela Schmed:
Novs pleds e texts per l‘art e la Rumantschia
18:30
Tschaina ACACA
Transport cun shuttle Don Bosco
entir di
Protocol grafic:
Kate Maļarenko ed Uolf Candrian
​
​
Sonda, 28/09/2024
5:30
Visita Baselgia Mistail
Pigments e frescas da la baselgia: Patrick Casitti
8:00
Ensolver ACACA
9:00
Referat d'input Mirko Baselgia
9:20
Lavur creativa en gruppas pitschnas: Creaziun Rumantscha I
12:00
Gentar ACACA
13:30
16:00
Mintga gruppa preschenta sia Creaziun Rumantscha
17:00
ARTicular:
Tge vulain nus? Tgi fa tge (uniun, tandems, exposiziuns)?
Co vai vinavant?
Moderaziun Uolf Candrian ,
Anna-Luisa Joël ed Yvonne Gienal
Endrizzar l'exposiziun
18:00
Apero / Bar
18:30
Tschaina ACACA
20:00
avert per tut las visitadras e per tut ils visitaders
Jazz: Rolf Caflisch, Andi Schnoz e Marc Jenny
21:00
Party da Jukebox cun DJ
Transport cun shuttle Don Bosco
Lavur creativa en gruppas pitschnas: Creaziun Rumantscha II
Dumengia, 29/09/2024
09:00
Ensolver Don Bosco
10:00
avert per tut las visitadras e per tut ils visitaders
Vernissascha e lottarias
11:00
Chasper Pult:
Reflexiuns e facit davart l‘art rumantsch
12:30
Finiziun e stgarnuz da marenda
fin las 12:00
Protocol grafic:
Kate Maļarenko ed Uolf Candrian
entir di
Protocol grafic:
Kate Maļarenko ed Uolf Candrian
Lieu ACACA
L' Associaziun Center d' art e cultura Alvra è vegnida fundada l'onn 2021. La chasa da scola d' Alvaschagn n' è betg stada en funcziun dal 2009 fin 2020. La chasa porscha uss in rom ideal per reuniuns creativas. ACACA è era atelier e lieu da habitar da Mirko Baselgia.
Asssociaziun Center d’Art e Cultura Alvra ACACA
Veila da Scola 7
7451 Alvaschein
076 296 32 32
Team
Yvonne
Gienal
è creschida si a Mustér/Disentis sco tschintgavel uffant d'ina gronda famiglia e sco figlia d'in scrinari. Gienal è commembra da VISARTE, en la suprastonza da la societad da cultura Anna Catrina a Glion, maina e curatescha la chasa da cultura Cularta a Laax ed è ultra da quai commembra da la Cumissiun da cultura dal chantun Grischun.
Anne-Louise
Kleberg Jöel
nata en il Danemarc. Ella ha lavurà en l’archiv federal e suenter en la producziun da teater. Durant ils ultims diesch onns ha ella manà la chasa d'exposiziun Casa d'Angel en la Lumnezia.
Andrina
Casutt
è architecta d'interiurs, scenografa ed artista e deriva da la Surselva. La Scol'auta da Lucerna ha ella terminà cun in master en Art in Public Spheres. A partir dal 2023 lavura ella sco manadra dal Kulturraumnetzwerk a Cuira.
Bea
König
è creschida si a Turitg ed a Winterthur e viva oz en la Val Lumnezia. Suenter il studi da pedagogia sociala e management da cultura ha ella lavurà al teater da Winterthur ed al Schauspielhaus a Turitg en il sectur da la communicaziun e dal marketing. Dapi il 2018 è Bea König sin viadi cun ses biro da cultura koenigkultur.ch.
Mathias Kunfermann
viva en Tumleastga GR. Dapi l'onn 1996 lavura el sco fotograf independent e possessur da la firma Demateo SA a Tusaun. Ultra da sia lavur sa deditgescha el ad agens projects d'art.
Mirko
Baselgia
è creschì si a Lantsch en Val d'Alvra sco figl dal scrinari dal vitg. Mirko Baselgia è undrà cun il premi d'art dal Manor e festivescha grond success cun ses art che sa lascha inspirar dad elements grischuns sco muntanellas, avieuls u lain da schember.
Uolf
Candrian
ha fatg in master en analisa culturala, culturas popularas e scienza litterara rumantscha. El lavura tier la Lia Rumantscha sco promotur regiunal e presidiescha actualmein la secziun dalla PS Surselva.
Daniela Demarmels
è creschida si a Morissen (Lumnezia), ella viva e lavura a Glion ed a Schluein. A partir dal 2014 ès ella artista libra per arschiglia e pictura.
Gianna Olinda Cadonau
maina la partiziun da cultura da la Lia Rumantscha e s'engascha en differents gremis per la promoziun da la cultura en il chantun Grischun. Plinavant scriva ella poesias e prosa per rumantsch e tudestg.
Contact
CONCEPT / PROGRAM / COMMUNICAZIUN / CONTACT CUN ARTISTAS ED ARTISTS
CONCEPT/ PROGRAM / COMMUNICAZIUN/ CONTACT CUN ARTISTAS ED ARTISTS / FUNDRAISUNG
CONCEPT / HOSPS / TRANSPORTS /
DUMONDAS GENERALAS
CONCEPT / FINANZAS / COMMUNICAZIUN /
CONCEPT /
ACACA
BANCA
Uniun RAIT ART RUMANTSCH
Via la Lutta 24
7130 Ilanz/Glion
Raiffeisenbank Surselva, Ilanz/Glion
IBAN CH47 8080 8001 1246 9185 1